Fyrir deigið: 

1¼ bollar heit mjólk um 43°C 

¼ bolli volgt vatn 

7g þurrger 

1 stórt egg 

¼ bolli bráðnað smjör 

3-4 bollar hveiti 

1 tsk sjávarsalt 

Fyrir fyllinguna: 

4 msk bráðnað smjör 

¼ bolli púðursykur 

¼ bolli sykur 

2 matskeiðar kanill 

Fyrir kremið: 

1,5 bolli flórsykur 

2 msk nýmjólk 

30ml Baileys Original Irish Cream 

Aðferð: 

Leysið þurrgerið upp í volgu vatni í lítilli skál og setjið til hliðar. 

Blandið saman mjólk, sykri, bræddu smjöri, salti og eggi í stóra skál. 

Bætið 2 bollum af hveiti út í og ​​blandið saman. Bætið við gerblöndunni. Blandið afganginum af hveitinu saman við þar til auðvelt er að meðhöndla deigið. 

Hnoðið deigið í 5 til 10 mínútur. Setjið það síðan í skál, lokið og látið hefast þar til deigið tvöfaldast að stærð, kringum 2-3 klukkustundir. 

Undirbúið fyllinguna með því að blanda saman smjöri, sykri, púðursykri og kanil. 

Stráið smá hveiti á borðflöt og fletjið deigið út, því næst smyrjið þið fyllingunni á deigið og rúllið upp. Skerið deigið í 12 jafn stóra bita og raðið í pappírsklætt eldfast mót. Leyfið snúðunum að hefast enn einu sinni í 45 mínútur. 

Hitið ofninn í 175°C (blástur) og bakið í 20-30 mínútur. Á meðan snúðarnir eru í ofninum þá er gott að útbúa kremið. Þeytið flórsykrinum, Baileys og mjólk saman þar til létt, bætið við smá Baileys eða mjólk ef þarf. Smyrjið Baileys kreminu á snúðana og berið strax fram. Ylvolga og dásamlega!